Poesía n'asturianu

La poesía ye una manera d'interpretar el mundu, de dexar escapar los sentimientos, de falar de ti, de crear un llugar personal y únicu,  de creer na vida... 
La poesía nun ye sólo cosa de los/les grandes escritores. Equí tienes un exemplu de los poemes qu'escribieron dalgunos alumnos/es d'asturianu. 

TU

  A vegaes los tos güeyos lloren,

cuando dende la to ventana

mires al infinitu.

Los tos abrazos y los tos besos

siempre sedrán máxicos pa min.

Dacuando ye prestoso sentise

queríu asina.

Enxamás los tos llabios

se posaron nos míos.

Güei quiero glayar

que'l to corazón ta xeláu,

quiciabes tien tristeza.

                                   Paula 3ºB

L'AMOR  

Ayeri nel mar reflexábase la mio tristura, 

güei dibuxo nel sable'l to nome,

abro la ventana y veo'l camín de la nuesa vida.

Siento'l máxicu besu que me disti

cuando marchasti.

El mio amor por ti ye infinitu,

enxamás atoparás a dalguién que te quiera como yo.

Necesito un llugar onde llorar col mio presu corazón.

                                   Claudia 3ºB

El mar ve llorar al corazón presu cuando la tristura afuega 'l fráxil y seliquín canciar del páxaru. Onde l'infinitu querer se desfacía col besu de los llabios de la vida. Dacuando l'enamoráu, glaya al cielu dende la ventana, l'amor que sentirá cuando mañana mire les tardes de branu, xunto al so máxicu y queríu amor.                                           Inés 3º B